Йыл башынан алып республикала 3520 янғын сығыу осрағы теркәлде. Утта 114 кешенең ғүмере өҙөлдө, шуларҙың 9 балалар. 86 кеше төрлө тән йәрәхәттәре алды, 534 кеше ҡотҡарылды. 1 июндән һыу инеү миҙгеле һәм балаларҙың йәйге каникулы башланды. Бөгөнгө иртәне хәүефһеҙлек ҡағиҙәлен иҫкә төшөрөүҙән башланыҡ. Башҡортостан Юлдаш телевидениеһының иртәнге «Сәләм» тапшырыуында Рәсәй Ғәҙәттән тыш хәлдәр министрлығының Башҡортостан буйынса баш идаралығы начальнигы ярҙамсыһы Ленар Вәхитов сығыш яһаны.