Цæгат Ирыстоны æххæст кæнынц нацпроект "Бинонтæ". Йæ фæлгæты цæрджытæ исынц алыхуызон æххуыс. Зæгъæм, лæвар цæуынц музейтæм, пайда кæнынц æхсæнадон транспортæй, сывæллæтты рæвдауæндоны бынат райсынмæ рады лæууын нæ хъæуы. 8 мин бирæсывæллонджын бинонты кæстæртæ скъолайы хæрынц лæвар, 3 мин бинонтæ та сывæллæтты рæвдауæндæттæй исынц компенсаци. Уый сын у ахсджиаг æххуыс. Уæлдай цæст дарынц социалон контрактмæ, уый хорз фадат дæтты хи куыст байгом кæныны, хæдзарады райрæзты, ахуырад райсыны æмæ куыст ссарыны фарстаты.