"Тропой Нартов. Наследие предков" проект æххæст кæнынæн Дзæуджыхъæуы электроникæйы колледж райсдзæн грант 2 милуан сомы бæрц. Фыццаг хатт Цæгат Ирыстоны сараздзысты гом арвы бын этнографион фæзуат. Алы объект дæр суыдзæн канд экспозицийы хай нæ, фæлæ ма нæ адæмы истори, культурæ æмæ традицитимæ базонæн кæм ис, ахæм фæзуат. Ахуыргæнæндон сси æхсæнад "Зонад"-ы конкурсы уæлахиздзау. Фæзуат уыдзæн фæсивæдæн культурон хæзнаты тыххæй æрмæг базоныны бынат. Патриотон, монон æмæ удварны хæзнатæ хъомыл кæнын абон у республикæйы ахуырады системæйы ахсджиагдæр нысан.