Креативон индустриты скъола байгом уыдзӕн сентябры Дзӕуджыхъӕуы
Тауаситы Сослӕнбеджы номыл аивадон скъолайы цалцӕг кӕнынц кълӕстӕ. Ног ахуырадон фӕзуат аразынц дыккаг ӕмӕ ӕртыккаг уӕладзгуыты. Сентябры ам байгом уыдзӕн креативон индустриты дыккаг скъола республикæйы. Кусджытӕ тагъд кӕнынц. Цалцӕггæнæн куыстытæ фӕуыдзысты æппынфылдæр дыууӕ къуыримæ. "Нӕ зӕрды ис цалцӕг фӕуын 20-æм августмӕ, стӕй райдайдзыстӕм ифтонггарз ӕвӕрын. Куыстытӕ иууылдӕр афоныл цӕуынц, ницы къуылымпыдзинæдтæ дзы ис. Уыд ӕрмӕст иу зындзинад: сфӕлдыстадон индустриты скъолайы кълæстæн хъуамӕ бӕлвырд фæзуат уа. Уымӕ гӕсгӕ къултæй иуыл чысыл ахæцыдыстæм æддæдæр. Ныр ӕппӕт агъуыстытӕ дӕр дзуапп дæттынц хъӕугӕ домæнтæн". Кусджытӕ бынат цӕттӕ кодтой тыхджын компьютертӕ, графикон планшеттӕ, къамтæ æмæ видеотæ исæн техникӕйӕн. Уыцы ифтонггарз ласын райдайдзысты мӕйы кӕрон. Фыццаг ахӕм скъола Аивӕдты лицейы байгом æмæ фæсивæды зæрдæмæ уайтагъд фæцыд. Уым курдиатджын сывӕллӕттӕ алы бон дӕр исынц видеотӕ, ахуыр кӕнынц дизайн ӕмӕ фыссынц музыкӕ. Аивӕдты лицейы фӕлтӕрддзинад куыд равдыста, афтӕмӕй ма горӕты хъӕуы иу ахӕм скъола. Ног центр байгом кӕндзӕн цыппар нырыккон здӕхты 12 азӕй 17 азы онг кары ӕнахъомтӕн. Дизайн, анимаци, виртуалон ӕцӕгдзинад, къамтӕ ӕмӕ видеотӕ уадзыны студитӕ уыдзысты лӕвар. Ахуыр цӕуы 2 азы, ӕмӕ практикон сфӕлдыстадон куыст райдайы фыццаг бонтӕй. "Ахуыр 2 азы ахӕссы. Фыццаг аз сывӕллӕттӕ бындурон зонындзинӕдтӕ райсдзысты 4 студийы дӕр. Дыккаг аз райдайдзӕн специализаци иу равзӕрст здӕхтӕй. Ацы аз 80 адӕймаджы ӕмбырд кӕнӕм. Раздӕр йӕхи ныффыссын кӕмӕн бантыса, уыдон уыдзысты сӕйрагдӕр. Иннӕ сывӕллӕттæм та фидæнмæ ӕнхъӕлмӕ кӕсдзыстæм. Иннæ аз дæр нӕ зӕрды ис 80 адӕймаджы райсын". Скъолайы стыр æргом здахынц хӕрзхъӕд ифтонггарзмæ. Нымæцон сфӕлдыстадӕн профессионалон компьютертӕ ӕмӕ техникӕ ӕрцӕудзысты афоныл. Ног ахуырдзаутӕм карз домӕнтӕ нӕй. Ахуыргӕнджытӕ дзырд дӕттынц, се 'ппӕты дӕр кæй сахуыр кӕндзысты бындурон арӕхстдзинӕдтыл. Скъолайы уыцы иу рӕстӕг ахуыр кӕндзысты 160 адӕймаджы — алы курсы дӕр 80. Ацы проект цымыдисаг у канд сывӕллӕттӕн нӕ, фӕлӕ хистӕртӕн дӕр. "Ахӕм фадат мын куы уаид, уӕд равзарин анимацийы студи. Ацы здӕхт мӕ зӕрдӕмӕ тынг цӕуы. Æвзонг ма куы уыдтæн, уæд чысыл архайдтон анимацийӕ. Уымӕ гӕсгӕ ӕз тынг ӕхсызгонӕй аразин мультфильмтӕ Нарты кадджытæм гӕсгӕ". Ахуыртæм кæй фæнды, уыдон чысыл не сты. Уӕгъд бынӕттӕ уайтагъд фӕвӕййынц. Ӕппӕт Уӕрӕсейы дӕр ахӕм скъолатӕ ныридӕгӕн ӕнтыстджынӕй кусынц колледжты ӕмӕ университетты. Ныр проект парахат кæнынмæ хъавынц Цӕгат Ирыстоны техникумты дӕр. Сӕйраг нысан — республикӕйы ӕнӕсцух профессионалон ахуырады системӕ саразын, цӕмӕй курдиатджын фӕсивӕд ахуыр кӕной, кусой ӕмӕ рӕзой сӕхи регионы.
Тауаситы Сослӕнбеджы номыл аивадон скъолайы цалцӕг кӕнынц кълӕстӕ. Ног ахуырадон фӕзуат аразынц дыккаг ӕмӕ ӕртыккаг уӕладзгуыты. Сентябры ам байгом уыдзӕн креативон индустриты дыккаг скъола республикæйы. Кусджытӕ тагъд кӕнынц. Цалцӕггæнæн куыстытæ фӕуыдзысты æппынфылдæр дыууӕ къуыримæ. "Нӕ зӕрды ис цалцӕг фӕуын 20-æм августмӕ, стӕй райдайдзыстӕм ифтонггарз ӕвӕрын. Куыстытӕ иууылдӕр афоныл цӕуынц, ницы къуылымпыдзинæдтæ дзы ис. Уыд ӕрмӕст иу зындзинад: сфӕлдыстадон индустриты скъолайы кълæстæн хъуамӕ бӕлвырд фæзуат уа. Уымӕ гӕсгӕ къултæй иуыл чысыл ахæцыдыстæм æддæдæр. Ныр ӕппӕт агъуыстытӕ дӕр дзуапп дæттынц хъӕугӕ домæнтæн". Кусджытӕ бынат цӕттӕ кодтой тыхджын компьютертӕ, графикон планшеттӕ, къамтæ æмæ видеотæ исæн техникӕйӕн. Уыцы ифтонггарз ласын райдайдзысты мӕйы кӕрон. Фыццаг ахӕм скъола Аивӕдты лицейы байгом æмæ фæсивæды зæрдæмæ уайтагъд фæцыд. Уым курдиатджын сывӕллӕттӕ алы бон дӕр исынц видеотӕ, ахуыр кӕнынц дизайн ӕмӕ фыссынц музыкӕ. Аивӕдты лицейы фӕлтӕрддзинад куыд равдыста, афтӕмӕй ма горӕты хъӕуы иу ахӕм скъола. Ног центр байгом кӕндзӕн цыппар нырыккон здӕхты 12 азӕй 17 азы онг кары ӕнахъомтӕн. Дизайн, анимаци, виртуалон ӕцӕгдзинад, къамтӕ ӕмӕ видеотӕ уадзыны студитӕ уыдзысты лӕвар. Ахуыр цӕуы 2 азы, ӕмӕ практикон сфӕлдыстадон куыст райдайы фыццаг бонтӕй. "Ахуыр 2 азы ахӕссы. Фыццаг аз сывӕллӕттӕ бындурон зонындзинӕдтӕ райсдзысты 4 студийы дӕр. Дыккаг аз райдайдзӕн специализаци иу равзӕрст здӕхтӕй. Ацы аз 80 адӕймаджы ӕмбырд кӕнӕм. Раздӕр йӕхи ныффыссын кӕмӕн бантыса, уыдон уыдзысты сӕйрагдӕр. Иннӕ сывӕллӕттæм та фидæнмæ ӕнхъӕлмӕ кӕсдзыстæм. Иннæ аз дæр нӕ зӕрды ис 80 адӕймаджы райсын". Скъолайы стыр æргом здахынц хӕрзхъӕд ифтонггарзмæ. Нымæцон сфӕлдыстадӕн профессионалон компьютертӕ ӕмӕ техникӕ ӕрцӕудзысты афоныл. Ног ахуырдзаутӕм карз домӕнтӕ нӕй. Ахуыргӕнджытӕ дзырд дӕттынц, се 'ппӕты дӕр кæй сахуыр кӕндзысты бындурон арӕхстдзинӕдтыл. Скъолайы уыцы иу рӕстӕг ахуыр кӕндзысты 160 адӕймаджы — алы курсы дӕр 80. Ацы проект цымыдисаг у канд сывӕллӕттӕн нӕ, фӕлӕ хистӕртӕн дӕр. "Ахӕм фадат мын куы уаид, уӕд равзарин анимацийы студи. Ацы здӕхт мӕ зӕрдӕмӕ тынг цӕуы. Æвзонг ма куы уыдтæн, уæд чысыл архайдтон анимацийӕ. Уымӕ гӕсгӕ ӕз тынг ӕхсызгонӕй аразин мультфильмтӕ Нарты кадджытæм гӕсгӕ". Ахуыртæм кæй фæнды, уыдон чысыл не сты. Уӕгъд бынӕттӕ уайтагъд фӕвӕййынц. Ӕппӕт Уӕрӕсейы дӕр ахӕм скъолатӕ ныридӕгӕн ӕнтыстджынӕй кусынц колледжты ӕмӕ университетты. Ныр проект парахат кæнынмæ хъавынц Цӕгат Ирыстоны техникумты дӕр. Сӕйраг нысан — республикӕйы ӕнӕсцух профессионалон ахуырады системӕ саразын, цӕмӕй курдиатджын фӕсивӕд ахуыр кӕной, кусой ӕмӕ рӕзой сӕхи регионы.