Агәыразратә фонд "Ашана" имҩаԥнагаз ашықәсҿыцазтәи акциа "Аҵаа Бабадуны уҟала" аихшьаалақәа дырзааҭгылеит афонд аиҳабы Мактина Џьынџьалԥҳа арадио Sputnik аефир аҟны. Илҳәеит сынтәа афонд ахь асалам шәҟәқәа 100-ҩык инареиҳаны ахәыҷқәа Аҵаа Бабаду ихьӡала ишынарышьҭыз. "Ҳфонд аофис аҟны, насгьы асоциалтә даҟьақәа рҿы ахәыҷқәа ирҭаху аӡбахә анаҳҵон, ақәҿыҭра даараӡа ибзианы иаиуит ҳәа уҳәар алшоит. Зны-зынла еицлабуан аԥхьа ахәыҷы аҳамҭа изаахәаразы, иргәырӷьаразы. Ари аҩыза ақәҿыҭра есышықәса иҟоуп, аха сынтәа ҷыдала ауаа азнеизшәа ҳгәы иабеит. Имариам аамҭа ҳҭагылоуп, ауаа ирҭахуп згәабзиара уашәшәыроу ахәыҷқәа рыргәырӷьара", - лҳәеит Џьынџьалԥҳа. Инеиҵыху аиҿцәажәара шәахәаԥшыр шәылшоит авидеонҵамҭаҿы. Еще больше новостей об Абхазии читайте на нашем сайте: https://sputnik-abkhazia.ru/ Подписывайтесь на нас в соцсетях, там всегда интересно: https://t.me/SputnikAbkhazia http://www.tiktok.com/@sputnikabkhazia https://zen.yandex.ru/sputnik-abkhazia.ru https://vk.com/sputnikabkhazia https://ok.ru/sputnikabk