Афæдзы райдианæй 7 мин сылгоймаджы æмæ 5 мин ноггуырды райстой сывæллоны райгуырды фæдыл сертификаттæ. Хæрзхъæд æххуыс бакæнынæн Социалон фонды республикон хайад Цæгат Ирыстоны медицинон кусæндæттæм арвыста 36,7 милуансомы. Сертификат аххæсы æнхъæлцау сылгоймаджы æппæт хæрдзтыл, суанг сывæллоны райгуырд æмæ уый фæстæ 'мгъуыдыл дæр. Уыимæ сабийы фыццаг афæдзы профилактикон æркастытæ. Документ арæзт цæуы электронон хуызы дыууæ бонмæ сылгоймаг хыгъды йæхи куы бафысса, уæдæй. Райсæн ма йæ ис арæндоны æмæ сывæллæтты поликлиникæйы. Документ снысан кæнынæн фидæны ныййарæджы хъæуы паспорт, полис æмæ СНИЛС. Æппæт бæрæггæнæнтæ уыдзысты Паддзахадон лæггæдты порталы хи кабинеты.