Февраль һарада Ага тосхондо Базар Ринчиногой нэрэмжэтэ 63-дахи сүлөөтэ барилдаанай мүрысөөн үнгэрөө һэн гээд һануулая. Тэндэ Орос гүрэнэй хүршэ Буряад Улас, Эрхүү можо болон Үбэр-Байгалай хизаарай хани барисаа улам бүхэжүүлхэ хэлсээн баталагдаа. “Кубок единства” гэһэн сүлөөтэ барилдаагаар мүрысөө хэжэ, эгээл шанга бүхэшүүлөө хибэс дээрэ гаргажа, тамирай үргэн хэмжээнэй найр эмхидхэгдэхэнь.