1-æм сентябрæй Цæгат Ирыстоны базарадон бынæттæ ивар кæнын райдайдзысты æнæ инспекторты архайдæй. Фæлхасадмæ цæстдарды федералон службæйы Цæгат Ирыстоны управлени куыд хъусын кæны, афтæмæй ног фæткы 'руаджы бантысдзæн автоматикон æгъдауæй закъонхæлдтытæ бæрæг кæнын - "Честный знак" маркировкæ цы товартæн ис, уыдон уæй кæнгæйæ.  Тамако та нысангонд аргъæй фылдæрæй уæйгонд куы цæуа, уæд ивары бæрц у 5-æй 500 мин сомы онг. Йæ пайда кæныны 'мгъуыд цæмæн фæцис, ахæм товар чи ауæй кæна, уый та бафиддзæн ивар 10 мин сомы алы иуæгæн дæр, юридикон бæрнондзинадимæ адæмæн та ивары бæрц у 20 мин сомы. Маркировкæйы системæмæ цы кассæ иугонд нæу, ахæмæй куы пайда кæна дукани, уæд тамако уæй кæнгæйæ, уыимæ йæ нымæц 10 иуæгæй фылдæр куы уа, уæд ивар уыдзæн 50 мин сомы.