Дзæуджыхъæуы кæронмæ ахæццæ Мæскуыйы адæмты 'хсæн ахастдзинæдты паддзахадон интституты сæрдыгон скъола. Абон фæсивæд ахуыр кодтой ирон æвзаджы бындур. Мыртæ раст дзурыны фæтк, хъуыдыйæдтæ куыд арæзт сты, уыимæ ма ныхас дæр кодтой. Ацы зонындзинæдтæ студенттæ райстой интарективон урочы фæлгæты. Амыдта йæ ирон филологийы факультуты декан Гуытъиаты Эльмирæ. Абон уыд проекты кæронбæттæны бон. Æнæхъæн къуыри Мæскуыйы адæмты 'хсæн ахастдзинæдты паддзахадон интституты минæвæрттæ - 52 адæймагæй уазæгуаты уыдысты Цæгат Ирыстоны, зонгæ кодтой республикæйы культурæ æмæ историимæ. ахæм мадзæлтты руаджы бæстæйы регионты 'хсæн парахат кæнынц хæлар ахастдзинæдтæ.