Алтын көҙ буйлап атлайбыҙ. Көндөҙ ҡояш йылытһа, кистәрен һалҡын төшә. Тап ошо миҙгелдә янғындарҙың да һаны арта, сөнки халыҡ мейес яға, йылытыу ҡоролмалары ҡуллана башлай. Шулай уҡ республикала янғынға ҡаршы махсус режим дауам итә. Ҡағиҙәләр һәм хәүефһеҙлек мәҙәниәте тураһында «Өфө уттары» тапшырыуында Рәсәй Ғәҙәттән тыш хәлдәр министрлығының матбуғат хеҙмәткәре Ленария Ямалетдинова бәйән итте.