Аԥсны ақьырсиан ныҳәарҭақәа рҟны имҩаԥырго амаҵзурақәа рыҽрылархәра заҭаху, аныҳәаԥхьыӡқәа рымч, иԥшьоу аӡы ахәарҭара уҳәа рзы лгәаанагара арадио Sputnik аҟны далацәажәеит ақьырсиан иашахаҵаратә дин ныҟәызго Алиса Ҭраԥшьԥҳа. Аҽӡаахра амшныҳәаз Анцәа дхазҵо иргәаладыршәоит 30 шықәса ирҭагылаз Иаса Қьырса Галилеинтәи аӡиас Иордан ашҟа дышнеиз иҽӡааихырц азы. Иара аӡы данҭыҵуаз адунеи зегьы ирбарҭахеит Анцәа-Аб, Анцәа-Аԥа, аҳәыҳә асахьа зманы Иаса Қьырса ижәҩахыр иқәтәаз Анцәа-Иԥшьоу идоуҳа. Инарҭбаау аиҿцәажәара — авидеонҵамҭаҿы.