Дзанайты Барисы разамындæй уыд Цӕгат Ирыстоны экологи ӕмӕ санитарон уавӕры фарстаты фӕдыл æмбырд. Ныхасы архайдтой дзуапдæттæг кусæндæтты, муниципалитетты ӕмӕ регоператорты минӕвӕрттӕ. Ӕрдзон æвæрæнтæ æмæ экологийы министр Бӕзаты Вадим фехъусын кодта ӕнӕзакъон бырондӕтты иу хай аиуварс кӕныны тыххӕй. Ныртæккæ архайд дарддæр цæуы. Премьер-министр бабар кодта, территоритæ сыгъдӕг кӕныны ӕмӕ ног æнæзакъон бырондæттæ ма 'руадзыны фæдыл куыст фӕтыхджындӕр кӕнын. Хицӕнӕй ӕркастысты регоператоры архайдмæ. Дзанайты Барис фӕсидт коммуналон техникӕйы парк сног кӕнынмӕ, лизингы механизмтӕй пайда кӕнгӕйӕ, уыимӕ "Росагролизингимӕ" бадзырды фӕрцы. Ноджы ма ныхас цыд контейнерон фӕзуӕттӕ срӕвдз кӕныны ӕмӕ бактӕ ӕлхӕныны пълан сӕххӕст кӕныныл, йæ райрæзтыл республикæйы архайд цæудзæн 2029 азмӕ.