Пятигорскы райдыдта Ӕппӕтуӕрӕсеон фӕсивӕдон форум "Машук". Æппæт бæстæйæ æрбангом кодта дыууæ мин дыууæ сæдæ архайæджы. Цӕгат Ирыстонæй мадзалы ис фынддæс минæвары æмæ фондз бархионы, уыдон æххуыс кæнынц форум аразджытæн. Республикӕйы сӕргълӕууӕг Сергей Меняйлойы номӕй арфæйы ныхæстимæ æрбацæуджытæм фæсидт фӕсивӕды хъуыддӕгты комитеты сӕрдар Джусойты Руслан. Форумы сӕйраг темӕ — ахуыргӕнӕджы ахадындзинад куыд фидӕны Фыдыбӕстӕ хъахъхъӕнӕг. Архайджыты хыгъды - ӕрыгон ахуыргӕнджытӕ, зондамонджытӕ, фӕсивӕдимӕ куысты специалисттæ ӕмӕ ӕхсӕнадон организациты активисттӕ. Мадзал аразджытæ фæнысан кодтой, зондамонджыты сӕрмагонд нысан бирӕнацион бӕстӕйы рӕзты. Пъланмæ гæсгæ ацæудзысты эксперттимӕ фембӕлдтытӕ, дæсныйадæвдисæг ахуыртæ ӕмӕ авторон проектты презентацитӕ ахуырад ӕмӕ хъомылады къабазы. Форум ахӕсдзӕн фынддæсæм августмӕ ӕмӕ суыдзӕн фӕз фӕлтӕрддзинад баивынӕн ӕмӕ ног иумӕйаг хъӕппӕристӕ фæзынынæн.