Баир Майдариев эгээл уран, бэлигтэй соёлшодой нэгэн гээд Ага нютагай соёлой түүхэдэ оронхой. Орьёл үндэ Алхана уулын дэргэдэ түрэжэ, ялас гэмэ хуби заяатай хүн байгаа. Баир Майдариев бүжэглэхэ, хатар табиха, үхибүүдые һургаха үргэн дүй дүршэлтэй һэн. Дулдаргын хүүгэдэй хатарай студи байгуулжа, олохон хүүгэдые хатарта дуратайгаар хүмүүжүүлээ. Холо ойро аяншалжа, үндэр амжалтануудые туйлаһан юм. Баир Дугаражаповичай дурсахаалыень мүнхэлхэ гэһэн хатарай мүрысөөн гурбан жэлэй туршада гэртэхинэйнь, түрэлхидэйнь үүсхэлээр аймагай захиргаантай хамта эмхидхэгдэнэ.