Кутузовы уынджы ацы бæстыхай у Цӕгат Ирыстоны педагогон колледжы филиалтӕй иу. Ам бындурон цалцӕг ис кæронбæттæн къæпхæныл. Куыстытӕм бавнӕлдтой уалдзӕджы райдианы, уыцы рӕстӕгмӕ специалисттӕн бирæ бантыст скæнын. Бæстыхай сарӕзтой 55 азы размӕ. Ӕмӕ уӕдӕй фӕстӕмӕ бындуронӕй иу хатт дӕр нӕ уыд цалцæггонд. Ног кодтой ӕрмӕст ахуырадон-методикон лабораторитӕ, уыдонимӕ та тыргътӕ дӕр. Ныр та бæстыхай æнæхъæнæй йæ хуыз скалдзæн. Тагъд ацы музыкалон инструменттӕ æрбынат кæндзысты кабинетты. Ацы аудитори та у хоры ахуыртӕн. Кусджытӕ ӕвӕрынц сӕрмагонд ӕртӕ къæпхæнимæ сценӕ, архайдзысты дзы солисттӕ. Ахӕм чысыл аудиторитӕ, студенттӕн æрмæст музыкӕ нӕ, фӕлӕ ныв кæнынады куыст кӕнын дӕр сӕ бон кӕм бауыдзӕн, фаг сты — алы уӕладзыджы дӕр 10. Уымӕй уӕлдай, ӕнцонвадатӕн куыстытæ æххæстгæнæг снысан кодта лифт, йе 'нӕниздзинад хъыгдард кӕмӕн у, уыцы адӕмӕн. Ӕрӕджы дӕр ма агъуысты уавӕр заууат уыд. Æппынæдзух иу къуылымпыдзинæдтæ сæвзæрд электрон тыхы телтӕ ӕмӕ бæстыхайы сæримæ. Къӕвдаты рӕстӕг иу дзы дон æрхъардта. Уый стыр зынвадат хаста студенттæн ӕмӕ ахуыргӕнджытæн. Бынтондӕр фæивтой æддаг бакаст дæр, ныртæккæ у вентиляцигонд. Цӕгат Ирыстоны педагогон колледжы филиалы арӕзтадон куыстытӕ фесты 80%. Фæзуаты кусынц 10 специалисты онг. Объект бындуронӕй цалцӕг кӕнынц нацпроект "Фӕсивӕд ӕмӕ сывӕллӕттӕ"-йы фӕлгӕты. Ӕппӕт куыстытӕ дӕр фӕуыдзысты ахуыры азы райдайӕнмӕ.